National School Safety Programme
2011 bilsini June jao, Meghalaya Sorkari National School Safety Programme (NSSP) - A Demonstration Project-ko ra∙chakaha. Ia programme-ara 100% centrally sponsored scheme ong∙a aro iako National Disaster Management Authority (NDMA), Ministry of Human Resource Development aro Seismic Zone 4 aro 5-o ga∙akegipa A∙dokni Sorkarirang baksa bakrime dongimin somoi ja 24-ni gisepo a∙bachengatenga.
NSSP-ni mongsonggipa miksonganide kamni ja∙pang aro cholko dingtangataniko a∙bachengatachi, officialrang, skigiparang, chatro-chatrirangni aro gipin stakeholder-rangni u∙iani aro changa-sapaniko information, education and communication (IEC) kamrangchi baridapatachi, nok ba buildingni bak ong∙gijagiparango duk-a∙sel sokani obostarangko komiatani cholrangko dakachi aro mittam skulrangni skul nokrangko mangrake taridapani kamrangko dake-ka∙e mesokachi skulrangko chel∙chakani gnang ong∙atna miksonga. A∙doko NSSP-ko a∙bachengatna gita NDMA, East Garo Hills aro Ri-Bhoi A∙jarangko baseman∙aha. Ia programme-na programme district-rang an∙tangtangni ning∙ao ga∙akgipa ge 200 (ritchagni) skulrangko baseaha. Ia programme-ko a∙bachengatanio ja∙rikna aro dakna-ka∙na nanggnirangko NDMA tariaha. State Disaster Management Authority ia programme-ko an∙tangni Secretariat-ni gita a∙bachengataha maina A∙dok Sorkarini ia programme-ko a∙bachengatna gita A∙dokni gadango SDMA-ko Nodal Agency dake donaha. NSSP-ko Sarva Shiksha Abihayaan (SSA)-o man∙chapatna aro uko tang∙doatna aro a∙bachengatna gita porikka ra∙e nie kam ong∙aniko nina nanga. Ia programme-ko SSA programme baksa bakrimatani gimin, iako chu∙soke a∙bachengatna gita A∙dok Sorkarini dingtang dingtang department-rangni SDMA baksa bakrime kam ka∙aniko nanga. Chief Secretary-chi dilenggipa State Executive Committee (SEC) A∙doko NSSP-ko a∙bachengataniko nirokgen.
Sak 2 (gni) District Project Coordinator aro sak 1 (sa) Accounts Officer-ko kamo rimnapaha aro uamang 2013 bilsini January jani 15 tariko kamo napaha. Programme-ko a∙bachengatna gita National Disaster Management Authority (NDMA), Delhi-oniko Chugimik Tangka Gong 1,78,43,264.00 Fund-ko man∙soaha.
Meghalaya-o NSSP-ni ning∙o ka∙gipa kamrang
| Sl. No | Kamrang | Chu∙sokna Miksonga | Chu∙soka | |
|---|---|---|---|---|
| 1. | School DM Plan-ko tariani | 400 | Ge 400 Skulrang matchotaha | |
| 2 | IEC Material-rangko Chapa Ka∙ani | Disaster Preparedness Activity kitaprangko (IEC Materials) chu∙gimik king 46,473 chapa ka∙aha | ||
| 3 | Teachers Training Module-ko A∙doko Agangipa aro Jakkalgipa Ku∙sikrangchi Pe∙e Chapa Ka∙ani | Trainer-rangna, Skigiparangna aro official-rangna king 2073 Training Module-rangko chapa ka∙enba dam gni A∙jarangona sualataha | ||
| 4 | Trainer-rangna Training | Sak 30 Trainer-rang | Dam gni A∙jarangon sak 35 Trainer-rangna skie on∙aha | |
| 5 | Skigiparangna Training | Sak 1000 Skigiparang | Sak 1030 skigiparangna skie on∙aha. | |
| 6 | District ge∙prako ge 200 skulrangni tarigipa School DM Plan-ko nipiltaiani aro ra∙chakani | Ge 400 Skulrang | Ge 251 School Safety Plan-rangko A∙ja damgnini DDMA-rang nipiltaianiko dakaha aro ra∙chakaha | |
| 7 | A∙ja damprakni ge 200 skulrango Disaster Preparedness Kit-rang | Ge 400 Disaster Preparedness Kit-rang | Ge 400 Disaster Preparedness Kit-rangko A∙ja damgnini skulrangna sualataha | |
| 8 | A∙ja damprakni ge 200 skulrango Mock Drill-rang | Ge 400 skulrang | A∙ja damgnion ge 400 skulrango Mock Drill-rangko ong∙ataha | |
| 9 | IEC material-ko ku∙sik pe∙ani, chapa ka∙ani | English, Khasi aro Garo ku∙sikrango Disaster Preparedness Activity kitaprangko (IEC Materials) chu∙gimik king 46,473 chapa ka∙aha | ||
| 10 | A∙doko sensitization programme | 1 | A∙dokni gadango sensitization programme-ko 2013 bilsini April jao ong∙ataha | |
| 11 | A∙jani gadango sensitization programme | Ge 400 skulrang | Sensitization programme-ko ge 400 skulrango October jani bri-gipa antio ong∙ataha | |
| 12 | Rapid Visual Survey-ko A∙ja dam prakni ge 200 skulrango | Ge 400 skulrang | RVS-ko dam gni A∙jarangni ge 400 skulrango dakaha | |
| 13 | Non-structural mitigation-ko A∙ja dam prakni ge 200 skulrango | Ge 400 skulrang | Non-structural mitigation-ko Ri Bhoi A∙jao RVS-ko matchotman∙ani ja∙mano a∙bachenggen. East Garo Hills-o, Fund-rangko watmanaha aro skulrangna Fire Extinguisher-rangko on∙a gita janapaha | |
| 14 | A∙ja dam prako ge sa skulko Structural Retrofitting (Mangrake Rikdapani/Taridapani) | Ge 2 Skulrang | A∙ja damgnion skul nokrangko mangrake taridapna gita baseman∙aha. Ia skulrangni RVS-ko Geo Hazard-ona watagen jedakode uamang iana koros nangako tarina man∙gen NSSP-ni ning∙o ge skulrangko mangrake taridapaha, Nongpoh: Patharkhmah Higher Secondary School, Patharkhmah Williamnagar: Rongrenggiri Govt. Higher Secondary School, Williamnagar |
|
Programme-oni chu∙sokani man∙anirang:
NSSP Skulrangna iarangko skia
- Somoi gita Mock drill-rangko ong∙atna
- Banggriani somoio chatro-chatrirang Drop-Cover-Hold-ko (Bamchikopna-Pindapna-Rim∙e Dongna) ma∙siaha aro dakna changaha.
- School Disaster Management Plan-ko tarina
- Evacuation Plan-ko tarina
- Skigiparang chel∙chakani aro naljokani cholrangko, First aid-ko aro Search and Rescue-ko (Sandia aro Jokata) ma∙sia.
- Duk-a∙sel sokna altuani aro tarisamsoani gamchatani bidingo Skulrang aro Songsalna u∙iatanirangko on∙a.
- Be∙enni aro gisikni gita bilgrianiko man∙gipa chatro-chatrirangni skulrangonaba NSSP sokaha.
- NSSP-ni ning∙o skiman∙gimin Engineer-rangba A∙jani gipin Institution-rang/College-rang/Office-rang/GAD quarters-rango RVS-ko ong∙ataha. Uamang gipin Disaster Management Training programme-oba Resource person dake sokronga.
- NSSP-ni ning∙o skiman∙gimin Skigiparangba an∙tangni songtangtango u∙iatanirangko dakani, village Plan-ko tarianio dakchakaniko on∙a aro DM Training-o Resource person dake sokronga.
- NSSP-ni ning∙o man∙egijagipa Skulrang/College-rang NSSP-ni ning∙ao man∙atna sikpaa.
- Gipin department-rangna u∙iatanirangko dakani, jekai; Skul Re∙gipa Bi∙sarangna DM exhibition-rangko ong∙atani.
- Duk-a∙sel sokanina tarisamsona nanggnini gamchataniko u∙ienba, D.I.E.T-oni NSSP-o skiman∙gimin Master Trainer-rangba Ri Bhoi A∙jani dam 50 songrango Social Mobilization training programme on Disaster preparedness-ko ong∙atangaha aro an∙tangtangni department-oniko Special scheme-koba man∙aha.
Mongsonggipa U∙ie Ra∙na Nanggnirang
- School Plan-ni template-ko chonchongipa skulrangnaba tarina nanga maina lower primary skulrang aro skigipa saksa dongaigipa skulrangban gnang.
- Mock drill-rang aro School Plan-rangko dakna-tarina nangchongmotgipa ong∙atna nanga.
- Bang∙bata skul nokrangkon rikanio ja∙rikna nanggnirangko ja∙rikgija rikani gimin, skulrang nokrangko rikanio ong∙a bewalo ja∙rikna nanggnirangko ja∙rikesa rikna-tarina nanggen unbaksanaba skulrangni gipin skulni bakrangkoban.
- Ia programme-ko a∙bachengatenggipa A∙jao aro NSSP-ni ning∙ao man∙egijagipa A∙jarangonaban sokatna nanggen. Ia gipin College-rang aro Teachers training institute-rangko man∙gopna nanggen.