Gipin Programme-Rang

1897 bilsio Banggrianio Shillong-ni Obosta: North East Multi State Exercise and preparedness Campaign

Meghalaya A∙dok Seismic Zone V-o ga∙aka, iani bidingo duk-a∙sel sokachi nosto ong∙anirangko komiatna gita dingtang chel∙chakani cholrangko a∙bachengatengaha, mongsongbate banggrianina. NDMA, Revenue & Disaster Management Department, Meghalaya SDMA/DDMA-rang aro CSIR- NEIST Jorhat baksa apsan bakrimenba Mega Mock Exercise-ko 2014 bilsio Shillong-o aro 2014 bilsini March 14 tariko Tura-o ong∙ataha.

Ia Exercise-ni mongsonggipa miksonganiara:-

• Dingtang dingtang stakeholder-rangna u∙iatanirangko on∙ani aro uamangko bakrimatani.
• A∙dokko dal∙begipa duk-a∙sel sokanio rang∙san kamrangko ka∙na man∙a gita tarisamsoani.
• Disaster Management-ni dingtang dingtang Stakeholder-rangni u∙iani aro changa-sapaniko bariatani.
• Nambate tarisamsoanichi aro bakrime kam ka∙anichi Meghalaya A∙doko songdonggiparangna Chel∙chakani aro Naljokaniko on∙ani.

13th Finance Commission Award-ni ning∙o Grant in Aid

13th Finance Commission Award for Capacity Building-ni miksonganiara Sorkario pilak kam ka∙giparangko duk-a∙sel sokanio nambate kam ka∙na man∙china gita uamangni u∙iani aro changa-sapaniko bariatani ong∙a. A∙dokni aro a∙ja-rangni gadango SDMA, DDMA-rangko aro Emergency Operating Centre-rangko (EOCs) mangrakbatanikoba ia programme-o on∙chapa. 13th Finance Commission Award-ni ning∙o on∙gipa financial assistance-ara tangka gong ` 5 kror ong∙a aro ian 2010 bilsioni 2015 bilsiona ong∙a. Tangka gong 1 kror-ni chang∙prak financial year-ni action plan-ko State Executive Committee (SEC)-chi ra∙chakchengna nanga. Man∙sogimin fund-ko A∙jarangona dingtang dingtang Capacity Building-ni kamrangko ka∙china gita watataha.

Gitalgipa Centrally Sponsored Scheme – State Disaster Management Authority (SDMA) aro District Disaster Management Authority-rangko (DDMAs) Mangrakbatatani

Kosako janapgimin scheme-rangko National Disaster Management Authority (NDMA) tariaha, ian ge 36 SDMA-rang aro ge 256 DDMA-rangko man∙gopna gita janapa. Ia scheme-ni chu∙gimik koros-ara tangka gong 4250.91 Lak onga. Ia scheme SDMA-rang/DDMA-rangna manderangko jemangan Disaster Management Sector-rango champengsoani, duk-a∙sel sokanirangko komiatna tarisamsoani kamrangko ka∙genchim, uamangko kamo rimnapna gita tangkarangko on∙e dakchakenba SDMA aro basegimin DDMA-rangni kam ka∙aniko mangrakbatatna miksonga. Ia scheme-ni ning∙ao, Disaster Management professional-rangko deputation/contractual basis-o kamo rimnapna, unbaksana kamko chalaianio nanggipa korosrangna (pilak SDMA-rangna aro basegimin DDMA-na advertisement-na, bosturangna, songre-songbatanina aro mikkangchi rang∙gitik sokgipa obostarangna) tangkarangko on∙e dakchaka. Scheme-ko a∙bachengatna aro nirokna gita NDMA dakchakaniko on∙a. Ia scheme-ni ning∙ao SDMA aro DDMA-rangni kamo rimnapgipa DM Professional-rang dingtang dingtang kamrangko ka∙a jekai DM policy-ko taria, DM Plan-ko taria, DM guidelines-ko taria, SDMA/DDMA-rangni tom∙bimonganirangko somoi gita ong∙atronga.

(a) Tangka Donsamsoa

Meghalaya-o project-na chu∙gimik korosna on∙gipa tangka gonga 55.20 Lak onga uoni gong 23.20 Lak-ko watata aro chu∙gimik jakkalaha. Gipin tangka gong 15.40 Lak-ko project-ko a∙bachengatna gita NDMA wataha.

(b) Kam Ka∙gipa Manderangko Donsamsoa

Sakgni DM Professional-rangko pilak ge 11 DDMA-rango aro ge 2 SDMA-rango A∙jatangtango aro A∙dokni gadango dingtang dingtang Disaster Management kamrangko a∙bachengatna gita seokaha.

Mock Drill- Mock Exercise-ko ong∙atna gita A∙dokna, Union Territory-rangna Tangkarangko On∙e Dakchakani

Mock Exercise-ara (ME), Sorkarini dingtang dingtang Deparment-rang, Non Govt. Agency-rang aro Songsalni Manderangni gisepgriko bakrime kam ka∙aniko namdapatenba duk-a∙sel sokanirango rang∙san kam ka∙aniko nipiltaina gita dakchaka. Ian baditana kingking Standard Operating Procedures (SOP) aro Plan-rangara kam ong∙achim uko ma∙sina aro unbaksanaba nangani kri ia plan-rang-ko taridapna ba namdapatna gitaba dakchaka. Unigimin, dingtang dingtang rokkomo sokgnigipa duk-a∙selrango pangchakenba Mock Exercise-rangko somoi gita ong∙atjringna nangchongmota.
India-ko Duk-A∙sel Sokanirangoni Chel∙chaka Gnang ong∙atna aro pilak A∙dokni Sorkarirang, UT-rangni an∙tangtangni A∙dok Sorkarirang/UT-rang/District Authority-rango dal∙gipa duk-asel sokani somoirango rang∙san kam ka∙na gita chu∙gimik skie ra∙ani aro ku∙cholsan ong∙ani dongna nanggen, uamang an∙tangtangni kam ka∙na nanggnirangko ra∙chake ka∙na-dakna nanggen. Mock Exercise-ko ua biapni a∙selo ga∙akna altuanio pangchakesa ong∙atagen. A∙doktangtango Mock Exercise-ko ong∙atna gita District prakna/A∙dokni Skotongna/UT-rangna tangka gong Rs.100000/- ko advance dake NDMA on∙aha. Meghalaya A∙dokni pilak A∙jarangon unbaksanaba A∙dokni Skotongoba Mock Drill-ko chu∙soke ong∙ataha.