Community Volunteers in Disaster Response in India-“Aapda Mitra”

India-ni dam 25 A∙dokrangni dam 30 Chi Bana Re∙na Altugipa A∙jarango (A∙ja prako sak 200 Volunteer-rang) sak 6000 (Hajal Dok) Songni Volunteer-rangko Duk-A∙sel Sokani Somoio rang∙san kamrangko ka∙na mana gita training-ko on∙a National Disaster Management Authority (NDMA), Centrally Sponsored Scheme-ko ra∙chakaha. Meghalaya A∙dokni South West Garo Hills A∙ja, Ampati-koba ia scheme-ni ning∙ao man∙chapataha. Ia a∙ja-ko batanggimin bilsi somoirango chi bana re∙anirang ong∙rongani gimin man∙chapataha.

 

Ia scheme-ara sak 200 volunteer-rangna uamangni u∙iani aro changa-sapaniko baridapatna miksonga jedakode uamang duk-a∙sel sokani ja∙mano rang∙sanan songsalni manderangna dakchakaniko on∙a man∙gen. Indaken, uamangko dakchakaniko on∙anio, sandianio aro jokatani kamrangko ka∙anio duk-a∙sel sokanina tarisamsoanio nanggipa chel∙chakani kamrangko ka∙na man∙gen jekai Chi Bana Re∙a, Rang∙gitik Chi Bana Re∙a aro Songjinma aro Jilarango Chi Bana Re∙ani.

 

A∙songni gadango Standardised Training module-rangko tarigen aro A∙dokni gadango ma∙sie dongimin training, jean project ong∙enggipa a∙ja-ni baseman∙gimin volunteer-rangna training-ko on∙gen.

Miksonganirang

• Project ong∙enggipa a∙ja ge∙prakni block-ni gadango songni volunteer-rangko duk-a∙sel sokani somoio dakchakaniko on∙ani bidingo skie on∙ani (chi bana re∙anio dakchakaniko on∙ani aro jokatani). Ia skie ra∙gimin volunteer-rangko Aapda mittra ine minggen.
• Scheme-ni ning∙ao training-ko on∙a gita standardised training module-rangko tariani.
• Duk-a∙sel sokanio janggi jokatani cholrangko volunteer-rangna skie on∙ani, bakrime kam ka∙ani aro dakchakaniko on∙ani aro uamangna an∙tangtangko chel∙chake rakkiani bosturang aro emergency responder kit-ko on∙ani.  
• A∙ja/block-ni gadango light charge aro jokatani bosturang, medical first aid kit-rangko nanggitika somoina songo chimongsoe donani.
• Project-ni ning∙ao tarigimin training aro education tool-ni bidingo scheme-ni gipin gadangrango chi bana re∙na altugipa a∙jarangona sokangroroatani.

Sokna Miksonganirang

• Baseman∙gimin South West Garo Hills A∙ja, Ampati-o sak 200 Skie Ra∙gimin Community Volunteer-rang.
• Volunteer-rangna training-ko on∙china gita training institution-ko basegen.
• Gimikan chu∙onggipa information aro knowledge management system-o pilak training on∙anirango nanggiparang donggen, bosturangni donganiko serike rakkianirangkoba NDMA-ni website-o donatgen.

Somoi- Project-ko matchotna ja 24

A∙bachengatanina Tarisamsoani

• NDMA ia scheme-ko miksonggipa SDMA aro DDMA-rang baksa bakrimenba a∙bachengatgen. NDMA pilak technical-ni bidingo dakchakaniko on∙gen, nirokgen aro project-na tangka paisarangko dakchakgen.
• DDMA-rangni gita a∙jani gadango programme-ko a∙bachengatani/chalaiani aro nirokani kamko SDMA ka∙gen.
• Songni ba biapni gadango scheme-ko a∙bachengatanio nirok-chalaigipade DDMA-an ong∙gen.
• A∙dokni/A∙jani gadango donggipa Training institution-rang training-rangko on∙a nang∙gen.
• Project ong∙chakenggipa a∙jani DDMA volunteer-rangko matchote baseman∙e dona nang∙gen.
• Training matchotman∙ani ja∙mano, skie ra∙mangimin volunteer-rangna NDMA, SDMA aro training institution apsan nanggrimenba certify ka∙e on∙gen aro uamangna emergency responder kit-koba on∙jolgen.
• A∙jani gadango rang∙gitik nangmiting somoio jakkalna nanggipa bosturangko chimonge donaniko baridapatna gita ia scheme-o dingtangmancha tangka chame donaba gnang.

Scheme-ni ning∙ao fund chamani/project-ko ong∙atenggipa a∙ja prako. Ia janapgimin scheme-ni ning∙ao project ong∙atenggipa a∙ja prakna chu∙gimik tangka gong 45.50 Lak ko fund chamaha.