Shaphang Jong Ngi
State Disaster Management Authority (SDMA)
La seng ia ka State Disaster Management Authority ha ka jylla hapoh ka jingialam jong u Myntri Rangbah kum u Shongknor bad 8 ngut kiwei pat ki dkhot katkum ka Section 14 jong ka Disaster Management Act, 2005 lyngba ka jingpynbna jong ka Sorkar kaba 26 tarik Jylliew, 2008. Ka dei ka tnat kaba ha khlieh duh ban shim jingkitkhlieh ha ki jingtreikam haba jia ka jingshah lyngshop ha ka jylla.
La thung ruh ia ka State Executive Committee ba khlieh da u Chief Secretary bad 4 ngut kiwei pat ki Secretary kum ki dkhot ban iarap ia ka State Disaster Management Authority ha kaba pyniaid ia ki jingtreikam.
La thung ruh ia ki District Disaster Management Authority hapoh ka jingialam jong ki Deputy Commissioner bad ki Chief Executive Member jong ki District Council kum ki Co-Chairman bad 5 ngut ki heh sorkar ha ki Distrik kum ki dkhot ban kham pynstet ia ki jingpyniaid kam ha ki distrik haba wan ka jingshah lyngshop.
Kumjuh ha ki Block bad ki Shnong la thung ia ki Block Disaster Management Committee bad ki Village Disaster Management Committee ban khlieh da ki Block Development Officer bad ki Rangbah Shnong ha ki shnong. Ka State Disaster Management Authority, ka la buh ia ka State Disaster Management Secretariat ha ka snem 2011 ha ka ophis Directorate of Land Records and Surveys, Lower Lachumere, Shillong. Ia ki jingtreikam ba man ka sngi jong ka SDMA la peit da u Executive Director jong ka Secretariat bad ban iarap da u Nodal Officer.
Ki jingtreikam jong ka SDMA:
Ban saindur ia ka Disaster Management Policy bad ban pynkhreh ia ka State Disaster Management Plan, ban bishar bniah ia ka rukom pynkhreh, ban pynbiang ki lad jingiada, bad ban pynduna ia ki jingjulor na ka jingshah lyngshop bad ka jingpynkhlain ia ka jingnang jingtip.
Ki kam jong ka SDMA:
Ban pyntreikam ia ki prokram kum shibynta ban pynkhreh, ban iada, ban pynduna ia ki jingjulor bad ban pynkhlain ia ki jingtip ia ki rukom treikam.
La pyntreikam ia ka Disaster Risk Reduction Project ba bei tyngka da ka UNDP ha ki lai tylli ki distrik jong ka East Khasi Hills, West Garo Hills bad Jaintia Hills ha kaba ka thong ka long ban pynlong ia ki prokram pynsngewthuh, pynkhlain ia ki lad treikam, pynkhlain ia ki tnat kiba pyniaid ia ki kam haba jia ka jingshah lyngshop. Katba ka Urban Risk Reduction Programme la pyntreikam ha ka nongbah Shillong lyngba ka SDMA Secretariat. Nalor kata, la pyntreikam ruh lyngba ka SDMA Secretariat ia ki prokram bapher bapher ban pynsngewthuh bad pynkhlain ia ki jingtreikam hapoh ka State Plan bad ka National Disaster Management Authority National School Safety Programme bad ka Capacity Building hapoh ka 13th Finance Commission.
Ka State Disaster Response Fund ka don ban pyniaid ia ki kam haba wan ka jingshah lyngshop ha ka jylla. Ia ka phon pisa la aiti sha ki Deputy Commissioner ban pynbiang ia ki lad iarap kiba lah ban donkam na ki jingshah lyngshop.