Ka Prokram Disaster Risk Reduction (DRR) bad Urban Risk Reduction (URR)
Ka Sorkar India ryngkat bad ka United Nation Development Programme (UNDP) ka la sdang ia ka Disaster Risk Reduction Programme (DRR) ha ka snem 2009 kaba don artylli ki jingthmu: (i) ka jingpynkhlain ia ki tnat bad ka jingkyntiew jingtip ban teh lakam ia ki jingma kiba mih na ki jingshah lyngshop ia kaba yn pyntreikam da ka National Disaster Management Authority (NDMA) (ii) Ka jingpynduna ia ka jingjulor kaba mih na ka jingshah lyngshop ha ki jaka sor (Urban Risk Reduction) ban pyntreikam da ka Tnat Kam Pohiing. Ia ka Disaster Risk Reduction Programme la pyntreikam ha ki lai tylli ki distrik ka Meghalaya, ka East Khasi Hills, West Garo Hills and Jaintia Hills. Kawei na ki bynta jong ka Disaster Risk Reduction Programme, kaba la tip kum ka Urban Risk Reduction Programme la pyntreikam tang ha ka nongbah Shillong. Ka Disaster Risk Reduction (DRR) (Ka jingpynkhlain ia ki tnat treikam bad ka jingkyntiew jingtip) ka thmu ban pynkhlain ia ki State Disaster Management Authority bad ki katto katne ki District Disaster Management Authority (DDMAs) ban pyniaid ia ki jingtreikam kumba la saindur ha ka Disaster Management Act, 2005. Ka thmu ruh ban pynrung ia ki mat kiba iadei bad ka lad pynduna ia ki jingma ha ki katto katne ki prokram bad ki skim pynroi.
Ka Urban Risk Reduction Programme kan don ia kine ki bynta harum:-
- Ban jurip ia ki jingma kiba lah ban mih ha ki jaka sor:- Kane ka kham thew ia ka jingbuh jingkhein ha kaba yn lum ia ki jait jingshah lyngshop kiba jia ha ki jaka sor ban pynshisha ia ki jingtip baroh nalor ka jingpynshisha ia ki jingma kiba lah ban mih na ki jingtei bad ki rukom long ki jaka, bad ban jurip ia ka jingktah na kine ki jingshah lyngshop.
- Ban pynrung ha ki prokram pynroi sor ia ki lad treikam ban pynduna ia ki jingjulor: - Ha kane ka jingtreikam, yn shim jingkhein ia ki dak jingma na ki jingshah lyngshop bad yn pyndonkam ha kaba plan ia ki prokram pynroi sor bad ban pynrung ha ki plan bad prokram pynroi bad ha ka rukom pyndonkam ia ka jaka. Kine ki jingjurip kin iarap ban plan kumno ban lait na ki jingjulor ki jaka sor haba jia ka jinglyngshop. Ia kine ki plan yn pyndonkam ha ki jingshna ain bad ki jingshim rai jong ki briew kiba plan bad shna jingtei ha ki jaka sor ba kin sngewthuh ia ki bynta kiba iadei bad ka lad pynduna ia ki jingma.
- Ban pynkhlain ia ka jingpynjari ia ki building code, ki bye law bad ki jingpynbeit ryntih ia ki kam pynroi: - Kane ka kam kan kham khmih bniah bad bishar sani/pynthymmai bad pynkylla ia ki bye law, ki code bad ban pynbeit ryntih ia ki kam shna jingtei/pyntreikam ia ki ain pyndonkam jaka ban peit bad pyntreikam ha ki Municipal bad Urban Development Authority.
Ka kaiphod halor ka GOI-UNDP URR Project ha Meghalaya
Ka jingpyntreikam ia ka DDR-URR project ha Meghalaya ka la sdang ha u Nohprah 2009 da ka jingsoi ia ka MoUÂ hapdeng ka Sorkar Meghalaya bad ka UNDP ha ka 2 tarik Nohprah, 2009. Ka por treikam jong ka projek ka long naduh 2009 haduh 2012. Ka DRR Project ka kynthup ia ki lai tylli ki distrik ha ka jylla, ka East Khasi Hills, Jaintia Hills bad West Garo Hills bad ka URR Project ka kynthup tang ia ka nongbah Shillong. Ka phon kaba la iohpdiang na ka UNDP ka long 49.26 lak ia kaba 20.20 lak la pyllait sha u Deputy Commissioner Shillong ban pyntreikam ia ka URR Project bad ka phon kaba sah ka long na ka bynta ka DRR Projek ka ba kdup ia ki laitylli ki distrik. Ka DRR Programme ka kdup artylli ki block and lai tylli ki shnong ha man ki distrik kumne harum :-
| Kyrteng ki DRR Distrik | Kyrteng ki DRR Block | Ki shnong ba pyntreikam ia ka DRR |
|---|---|---|
| East khasi Hills | 1. Mylliem 2. Khartshnong-Laitkroh |
1. Saisiej 2. Nonglyngkien 3. Khatar Mer Village |
| Jaintia Hills | 1. Laskien 2. Thadlaskien |
1. Raliang 2. Moodymmai 3. Ialong |
| West Garo Hills | 1. Betasing 2. Rongram | 1.Rangatari 2. Ghandhipara 3. Selbalgre |
Ka GOI-UNDP URR-DRR programme kam shym la treikam bha ha ka rukom kaba dei ha ka snem 2010 namar ka Sorkar ka dang sdang ia ki kam ban pynkhlain ia ki tnat treikam na ka bynta ka DM ha ka jylla kum ka jingbuh ia ka SDMA Secretariat, ka jingthung ia ki ophisar na ka bynta ki kam ka DM ha ki DDMA bad SDMA, ka jingbuh ia ki Nodal Training Institute bad kiwei ki kam. Ka jingbuh ryntih ia kine ki jingdonkam ka la wanrah ka jingslem ha kaba sdang ia ki projek ha ka jylla. Hynrei, da ka jingbuh ryntih ia kine baroh ki jingdonkam, ka jylla ka la lah ban pyntreikam ia kane ka prokram naduh ka snem 2011.
Ka Disaster Risk Reduction ka shong nongrim na kine ki jingdonkam harum:
- Ka jingpynkhlain ia ki SDMA bad DDMA ban pyndep ia ka kamram kumba la saindur ha ka National DM Act (2005).
- Ban saindur ia ki rukom treikam bad ki kyndon ban pyniasoh ia ki Disaster Risk Reduction lane ki lad pynduna jingjulor ha ki prokram pynroi bapher bapher jong ki tnat sorkar bad ha ki shnong.
- Ban shim ki lad ban pynduna ia ki jingjulor ha ki jaka sor da kaba buh ki bor treikam ban plan ha ka rukom kaba dei.
- Ban pynkhlain ia ka jinglah treikam jong ki tnat sorkar bad kiwei kiba donkti ha ki kam iarap hadien ka jingshah lyngshop.
- Ban pynkhlain ia ki rynsan iasam jingtip bad jingshemphang halor ka rukom iada ne lad iarap ha ka por ba jia ki jingshah lyngshop.
Ka East Khasi Hills, West Garo Hills bad Jaintia Hills ki la shah jied kum ki 3 tylli ki DRR Programme District. La dep mynjur lypa ia ka nongbah Shillong na ka bynta ka URR Programme. Ka phon pisa jong ka DRR ryngkat bad ki plan treikam ia man ki prokram la dep phah sha ki distrik bad ka jingpyniaid ia ki kam hapoh kane ka projek ka la iaid shakhmat ha ki block/shnong kiba la jied ha kitei ki 3 tylli ki distrik.