National School Safety Programme

Ha u Jylliew 2011, ka Sorkar Meghalaya ka la mynjur ia ka National School Safety Programme (NSSP) – ka projek ai jinghikai. Kane ka prokram ka dei ka skim kaba bei tyngka pura da ka Sorkar India  ia kaba la pyntreikam da ka National Disaster Management Authority (NDMA) ryngkat ka jingiatreilang bad ka tnat Human Resource Development bad ki Sorkar Jylla ha ka ri kiba hap ha ka Seismic Zone 4 & 5 ka ban treikam hapoh 24 bnai.
Ka thong kaba kongsan jong ka NSSP ka long ban wanrah ka jingshngain ha ki skul da kaba sdang ki policy treikam, ban pynkhlain ia ki jingnang jingtip jong ki bor ba dei peit, ki nonghikai, ki khynnah skul bad kiwei da kaba wanrah ki prokam ai jingtip, ban hikai bad ki rukom pathai khubor, (information, education and communication) (IEC) ban wanrah ki lad ban teh lakam ia ki jingma bad ban hikai kumno ban shna pynskhem ia ki skul. Ka NDMA ka la jied ia ka East Garo Hills bad Ri Bhoi District ban pyntreikam ia ka NSSP ha ka jylla. Kine ki distrik kiba pyntreikam ia kane ka prokram ki la jied 200 tylli ki skul na ka bynta kane ka prokram. Ka NDMA ka la shna ia ki kyndon btin lynti ban pyntreikam ia kane ka prokram. Ka State Disaster Management Authority ka la pyntreikam ia kane ka prokram lyngba ka Secretariat jong ka bad ka SDMA ka long ka Nodal Agency ha ka jylla ban pyntreikam ia kane ka prokram da ka sorkar jylla. Ka long kaba donkam ban tes bad pynthikna ia ka NSSP ban ioh pynrung ha ka Sarva Shiksha Abihayaan (SSA) ban pyntreikam ia ka. Namar kane ka prokram ka iasoh bad ki prokram ka SSA, ka donkam ka jingiatreilang kaba jan hapdeng ki tnat treikam sorkar bapher bapher bad ka SDMA. Ka State Executive Committee (SEC) ba la khlieh da u Chief Secretary kan peit ia ka jingpyntreikam ia ka NSSP ha ka jylla. La dep ruh ban thung 2 ngut ki District Project Coordinator bad iwei i Accounts Officer bad ki la sdang ia ka kam ha ka 15 tarik Kyllalyngkot, 2013. La iohpdiang ia ka phon pisa kaba T.1, 78, 43,264.00 na ka National Disaster Management Authority (NDMA), Delhi ban pyniaid ia kane ka prokram.

 

Ka jingiaid ka kam hapoh ka NSSP ha Meghalaya

Sl. No	Ki kam	Ka Thong	Ka jingpyndep ia ki kam
1.	Ka jingpynkhreh ia ka School DM Plan	400	400 tylli ki skul la lah ban pyndep
2	Ka jingshon ia ki kot lyngkdop IEC	La dep shon 46,473 tylli ki kot halor ka Disaster Preparedness Activity (IEC Materials)
3	Ka jingpynkylla ktien bad jingshon ia ka Teachers Training Module	2073 tylli ki Training Modules na ka bynta ki nongai jinghikai, ki nonghikai bad ki nongtrei sorkar la dep shon bad sam ha baroh artylli ki distrik
4	Ka jinghikai ia ki nongai jinghikai	30 ki nongshah hikai	35 ngut ki nongshah hikai ki la ioh jinghikai ha baroh ar ki distrik
5	Ka jinghikai ia ki nonghikai	1000 ki nonghikai	1030 ki nonghikai ki la ioh jinghikai.
6	Ka jingbishar bad mynjur ia ki School DM Plan ba la pynkhreh da ki 200 tylli ki skul ha man ki distrik	400 ki skul	251  tylli ki School Safety Plan la bishar bniah bad mynjur da ki DDMA jong baroh ar ki distrik
7	Ki tiar pynkhreh haba wan ka jinglyngshop ha ki 200 tylli ki skul ha man ki distrik	400 tylli ki tiar pynkhreh ia ka jingshah lyngshop	400 tylli ki tiar pynkhreh la pynbiang sha ki skul ha baroh ar ki distrik
8	Mock Drills ha ki 200 ki skul ha man ki distrik	400 tylli ki skul	La pynlong ia ki Mock Drills ha ki 400 tylli ki skul ha baroh artylli ki distrik
9	Ka jingpynkylla ktien bad jingshon ia ki kot lyngkdop IEC	La shon 46,473 tylli ki Disaster Preparedness Activity Book (IEC) ha ka ktien Phareng, Khasi bad Garo
10	Ka Prokram kyntiew jingtip ha ka jylla	1	La pynlong ia ka prokram kyntiew jingtip ha ka jylla ha u bnai Iaiong 2013
11	Ka Prokram kyntiew jingtip ha ka distrik	400 tylli ki skul	La pynlong ia ka prokram kyntiew jingtip ha ki 400 tylli ki skul ha ka taiew basaw jong u Risaw
12	Ka Rapid Visual Survey ha ki 200 tylli ki man ka distrik	400 tylli ki skul	La pynlong ka RVS ha ki 400 tylli ki skul ha baroh ar ki distrik
13	Ki lad iarap pynduna jingjulor ha ki 200 tylli ki skul ha man ki distrik	400 tylli ki skul	Ka jingiarap pynduna jingjulor kan sdang hadien ba la pyndep ia ka RVS ha Ri Bhoi District. Ha East Garo Hills, la pyllait ia ka phon pisa bad ki la thmu ban pynbiang ki tiar pynlip ding sha ki skul
14	Ka jingpyndait da ki tiar ba skhem ha kawei ka skul ha man ki distrik	2 tylli ki skul	Ki skul ban pyndait da ki tiar ba skhem la dep jeid ha baroh ar ki distrik. Ka RVS ia kine ki skul yn sa phah sha ka Geo Hazard khnang ba ki lah ban pynkhreh ia ka jinglut. Artylli ki skul ki la ioh ki tiar pyndait kiba skhem hapoh ka NSSP, Nongpoh: Patharkhmah Higher Secondary School, Patharkhmah; Williamnagar: Rongrenggiri Govt. Higher Secondary School, Williamnagar

Ka jingmih na kane ka prokram:

Ka NSSP ka la hikai ia ki nongpyniaid skul ban

1. Pynlong borabor ia ki Mock Drill
2. Ki khynnah skul ki la nang kumno ban Dem-Da-Bat ha ka por ba khie u jumai.
3. Pynkhreh ia ka School Disaster Management Plan
4. Pynkhreh ia ka Evacuation Plan lane ka rukom pynkynriah ia ki khynnah haba jia ka jinglyngshop
5. Ki nonghikai ki la don jingtip shaphang ki buit pyllait im, ka First Aid bad ka Search and Rescue lane ka jingwad bad jingpyllait im
6. Pynsngewthuh ia ki bor pyniaid skul bad ki nongshong shnong shaphang ki jingma na ki jingshah lyngshop bad ka jingdonkam ban pynkhreh lypa.
7. Ka NSSP ka la kdup ruh ia ki skul kiba hikai ia kiba don jingduna ha ki dkhot met.
8. Ki Engineer kiba la ioh jinghikai hapoh ka NSSP ki la pynlong ruh ia ka RVS ha ki skul/kolej/ophis/GAD Quarter ha ka distrik. Ki long ruh kum ki nongai jinghikai ha ki Disaster Management Training.
9. Ki nonghikai kiba la ioh jinghikai hapoh ka NSSP ki la pynlong ruh ki jingai jinghikai ha ki shnong jong ki, iarap ha kaba pynkhreh ia ka plan ha ki shnong bad long ruh kum ki nongai jinghikai ha ki DM Training.
10. Ki skul ki bym pat kdup hapoh ka NSSP/Kolej ruh ki kwah ban ioh rung ha ka NSSP.
11. Ka jingsngewthuh ia kiwei ki tnat, kum ka jingpynlong ia ki DM Exhibition na ka bynta ki khynnah skul.
12. Namar ka jingdonkam palat ia ka lad pynkhreh haba jia ka lyngshop, ki Master Trainer kiba la ioh jinghikai hapoh ka NSSP na ka DIET ki la wan shakhmat ban pynlong ia ki prokram ai jinghikai halor ka jingpynkhreh ia ka jinglyngshop ha ki 50 tylli ki shnong ha Ri Bhoi District bad ki la ioh ia ki skim kyrpang na ki tnat treikam kiba don ha ka District.

Ki jinghikai kiba donkam

1. Ka nongmuna na ka bynta ka School Plan dei ban pynkhreh na ka bynta ki skul kiba kham rit namar ki don ki skul lower primary bad ki skul kiba don tang iwei i nonghikai.
2. Dei ban pynlong ia ki mock drill bad ban don ki School Plan.
3. Namar ki don ki skul kiba la shna khlem da bud ia ki kyndon shna iing, ki skul ki dei ban bud ia ki kyndon shna iing kynthup ia ki bynta bym iadei bad ka jingtei skul.
4. Kane ka prokram ka dei ban pyniar ha ki distrik kiba la pyntreikam bad ha kiwei ki distrik ki bym pat kdup hapoh ka NSSP. Ka dei ruh ban kynthup ia ki kolej bad ki jaka ai jinghikai ia ki nonghikai.