Kiwei ki prokram

U Jumai Bah Shillong ha ka snem 1897: North East Multi State Exercise & Preparedness Campaign

Ka jylla Meghalaya ka hap ha ka Seismic Zone V, kumta la sdang ban shim ki lad jingiada ban pynduna ia ka jingjulor bad jingjot haba jia ki jinglyngshop, khamtam na u Jumai. Ka NDMA ryngkat ka jingiatreilang bad ka Revenue & Disaster Management Department, Meghalaya SDMA/DDMA bad CSIR-NEIST Jorhat ki la pynlong ka Mega Mock Exercise, 2014 ha Shillong bad Tura ha ka 14 tarik u Lber, 2014.

 

Ka jingthmu bakongsan jong kane ka long:-

• Ban pynsngewthuh bad wanrah ka jingiatreilang hapdeng ki ba iadonbynta.
• Pynkhreh ia ka jylla ba kan tip bad nang kumno ban shim ka jingkitkhlieh haba jia ki jingshah lyngshop kiba shyrkhei.
• Pynkhlain ia ki bor treikam jong kiba don bynta ha ka Disaster Management.
• Pynthikna ka jingshngain bad jingiada ia ki nongshong shnong ka Meghalaya lyngba ka jingpynkhreh lypa bad ka jingiashimbynta lang.

Ka Jingiarap pisa hapoh ka 13th Finance Commission

Ki thong jong ka 13th Finance Commission Award for Capacity Building ka long ban pynkhlain ia ki bor treikam jong ki tnat treikam sorkar bad ki shnong haba jia ka jingshah lyngshop namar ki briew kiba la ioh jinghikai kaba janai ki lah ban pyniaid ia ki kam ha ka rukom kaba dei haba wan ka jingshah lyngshop. Ka jingpynkhlain ia ka SDMA, ki DDMA bad Emergency Operating Centre (EOCs) ha ka jylla bad ki distrik ka kynthup lang ha kane ka prokram. Ka jingiarap pisa hapoh ka 13th Finance Commission ka long 5 klur tyngka ha ka snem 2010-2015. Ka plan treikam na ka bynta man ka mang tyngka shisnem kaba 1 klur tyngka ka donkam ban ioh ka jingmynjur na ka State Executive Committee (SEC). Ka phon pisa kaba la ioh pdiang la dep phah sha ki distrik ba kin pyniaid ia ki prokram ai jinghikai bapher bapher.

 

Ka skim thymmai ba bei tyngka da ka Sorkar India – Ka jingpynkhlain ia ka State Disaster Management Authority (SDMA) bad ki District Disaster Management Authority (DDMAs)

Ka National Disaster Management Authority (NDMA) ka la saindur ia katei ka skim, bad la tyrwa ban kdup 36 tylli ki SDMA bad kumba 256 ki DDMA. Ka mang tyngka ia kane ka skim ka long T. 4250.91 lak. Ka skim ka thmu ban kyntiew ia ka jinglah treikam jong ka SDMA bad ki DDMA kiba la jied da kaba pynbiang ka phon pisa na ka bynta ki nongtrei kam kiba la shim wai da ki SDMA/DDMA ban pyniaid ia ki kam ban iada, pynkhreh bad ai jinghikai ha ki Disaster Management Sector. Hapoh kane ka skim, la pynbiang phon pisa ban wai ia ki riewshemphang ha ka Disaster Management kiba shu phah/ne ban trei kontrak, bad ruh ban pynbiang ia ka jinglut ha ki jingtreikam (na ka bynta ki jingpynbna, ki tiar, ka baileit baiwan bad kiwei ki jingpynlut sha baroh ki SDMA bad ki DDMA). Ka NDMA kan iarap ban peit bad pyntreikam ia kane ka skim. Ki riewshemphang ha ka DM kiba la shim wai da ka SDMA bad DDMA hapoh kane ka kim kin trei ia ki kam kum ka jingsaindur ia ka  DM Policy, pynkhreh ia ka  DM Plan, pynkhreh ia ki DM Guidelines, pynlong ki jingialang jong ki SDMA/DDMA bad kiwei.

 

(a) Ka jingmang pisa

Ka dor jong ka projek kaba la mang ia ka Meghalaya ka long T. 55.20 lak ha kaba la pyllait bad pyndonkam T. 23.20 lak. Sa T. 15.40 lak la pyllait da ka NDMA ban pyntreikam ia kane ka projek.

(b) Ka jingpynbiang ia ki nongtrei

La jied arngut ki riewstad ha ka DM na ka bynta ki 11 tylli ki DDMA bad 2 tylli ki  SDMA ban pyniaid ia ki kam kiba iadei bad ka Disaster Management ha ki District jong ki bad ruh ha ka jylla.

 

Ka jingkyrshan pisa ban pynlong ia ki Mock Drill sha ki jylla/Union Territory ban pynlong ia ki Mock Exercise

Ki Mock Exercise (ME) ki iarap ban thew ban woh ia ki jinglah jong ki bor pyniaid ban kitkhlieh ia ki kam kiba iadei bad ka jingshah lyngshop da kaba pynkhlain ia ka jingiatreilang hapdeng ki tnat treikam ka sorkar, ki seng bym dei jong ka sorkar bad ki nongshong shnong. Ka iarap ruh ban tip ia ki jingjop jong ki rukom pyntreikam bad ki Plan bad ban pynthymmai ia kine ki plan lada donkam. Kumta, ki Mock Exercise ia kiba bun jait ki jinglyngshop ki long kiba donkam ban pynlong man ka por. Khnang ban pynlong ia ka India ka ri kaba ieng skhem hapdeng ki jingshah lyngshop bad ban pynthikna ba baroh ki sorkar jylla, UT ki long kiba la kieng atiar bha haba jia ka jingshah lyngshop, ki sorkar jylla/UT/ki bor distrik ki dei ban long kiba lah ban shim ka jingkitkhlieh. Ia ki Mock Exercise yn rai halor ka nongrim jong ki jait jingma kiba lah ban mih ha kano kano ka thain. Ka NDMA ka la mang lypa 100000 tyngka ia man ka distrik/State Headquarter/UT ban pynlong ia kine ki Mock Exercise. Baroh ki distrik bad ka State headquarter ka la lah ban pynlong ia ka Mock Drill hapdeng ki kynhun kiba don jingma tam ha Meghalaya.