District Risk Management Programme

Ka tnat Kam Pohiing jong ka Sorkar India da ka jingiatreilang jong ka United Nations Development Programme (UNDP) (kaba ka thong ka long ban teh lakam bad pynduna ia ki jingma kiba mih na ki jingshah lyngshop ka bor mariang) ka la sdang ia ka prokram ba la khot ka Disaster Risk Management (DRM) ha ki 17 tyli ki jylla bad kaba kdup ia ki 169 tylli ki distrik kiba ju shah ktah borabor ha ki jingshah lyngshop (ia kaba la pynkiew sha ka 176 tylli ki distrik) kynthup ia ka Meghalaya ha ka snem 2003. Ka DRM ha Meghalaya ka kynthup ia ki 7 tylli ki district, 10 tylli ki Dorbar Shnong ha sor, 39 tylli ki C & RD Block bad 5780 tylli ki shnong. Ia ka DRM Programme la plie ha ka jylla da u Myntri Rangbah ka Meghalaya ha kato ka por, u Bah D D Lapang ha ka 12 tarik Nailar, 2003 ha Shillong. Ka por treikam jong kane ka projek ka long 2003-2007 hynrei la pynjlan sha ka 30.6.2009. Ka jingmang pisa kaba la pyllait na ka bynta kane ka prokram ka long T. 5,07,51,635.88.

Ki thong ba kongsan jong ka Prokram ki long:

• Ka jinghikai ban pynkhlain ia ka rukom treikam da ka Tnat Kam Pohiing ka Sorkar India.
• Ka jingpynsngewthuh shaphang ka lad jingiada ia ka mariang, ka jingnang jingstad, ki prokram pynsngewthuh bad pynkhlain ia ki jingtreikam ha baroh ki bynta.
• Ka jingpynkhreh ia ki jingjulor kiba lah ban mih na ka jingshah lyngshop bad ka jingsaindur ia ki lad pynduna jingjulor ha baroh ki bynta ha ki 169 tylli ki district jong ki 17 tylli ki jylla kiba jur ki jingshah lyngshop.
• Ka jingiasam jingtip kumno ban pyniaid ia ki kam haba wan ka lyngshop bad ki tiar kiba donkam ha ka por ba jia ka jingshah lyngshop, ban saindur ia ka mat treikam ha ka jylla bad ka ri.

Ki jingpynbeit ryntih ha ki tnat

• La thung ia ka State Steering Committee hapoh ka jinglong Shongknor u Chief Secretary ka ban kynthup ia ki dkhot jong ki kynhun kiba iadon bynta ban peit ia ka jingpyntreikam ia ka  Disaster Risk Management Programme ha ka jylla.
• La thung ia ka Hazard Safety Cell ban khlieh da u Chief Engineer, PWD (Buildings) ban pyntreikam ia ki ain shna iing bad ban peit ia ki jingtei ki ba la synjor ne bym shngain.
• La buh ia ka Disaster Management Centre ha ka Meghalaya Administrative Training Institute.
• La pynbna ia ka Central Training Institute of Civil Defence and Home Guards kum ka Nodal Training Institute for Search and Rescue.
• La thung ia ki State Master Trainers for Search and Rescue, kaba kynthup ia ki 12 ngut ki dkhot kiba la shim na ki tnat treikam bapher bapher kum ka Civil Defence and Home Guards, MeECL (MeSEB), Police, PWD, Health, Fire and Emergency Services bad 10 ngut ki dkhot ki la leit shah hikai ha ka Collapse Structure Search and Rescue bad Medical First Responder ha ka National Institute of Security Academy, Hyderabad ha ka snem 2006.
• La seng ia ki District Disaster Management Committee, Block Disaster Management Committee bad Village Disaster Management Committee.
• La shna ia ki Emergency Operation Centre ha ki jylla bad ki Distrik.

Ki jingtreikam hapoh ka Disaster Risk Management Programme

Ha ka Jylla

• La pynkhreh ia ka State Disaster Management Plan ha ka snem 2006 bad mynta la nang pynthymmai ia ka.
• Ka jingai jinghikai ia ki Engineer/Architect halor ka lad iada na u jumai ia kaba la pynlong ha Shillong Polytechnic bad 71 ngut ki Civil Engineer bad 6 ngut ki Architect ki la ioh jinghikai.
• La ai jinghikai ia ki doktor halor ka First Aid bad Emergency Health Management da ka UNDP bad ki nongai jinghikai jong ka St John’s Ambulance.
• La pynlong ia ka workshop na ka bynta ki nongmihkhmat ka jylla halor ka Earthquake Risk Management bad la pynkhlain ia ka jingnang jingtip ia ki Engineer bad Architect halor ka Earthquake Risk Management bad Techno-legal Regime da ka National Seismic Advisor bad ki riewshemphang na ka UNDP.
• La ai jinghikai ia ki Vice Principal/Head Master/Nonghikai jong ki skul halor ka School Safety Plan bad la pynlong ruh ia ki Mock Drill.
• La ai jinghikai ia ki ophisar rangbah bad ki  State Master Trainer halor ka Disaster Management.
• La pynlong ka jingai jinghikai halor ka Earthquake Risk Mitigation and Management na ka bynta ki engineer bym dei jong ka sorkar bad ki architect bad ki junior engineer da ka Geo-Hazard Society, New Delhi ha MATI, Shillong.
• La shon bad sam ia ki poster halor ki mat Kiba Dei bad Bym Dei Ban Leh haba jia kano kano ka jingshah lynghsop bad la pynmih ia kine ha ka ktien Phareng, Khasi bad Garo.
• Ki jingbtin lynti kyndon pa kyndon halor ka jingpynkhreh ia ka Village Disaster Management Plan ha ka ktien Khasi bad Garo la shon bad sam kylleng.

Ha ki Distrik

• La ai jinghikai ia ki Nodal Officer halor ka Disaster Management.
• La ai jinghikai ia ki dkhot ka kynhun Disaster Management halor ka First Aid bad Disaster Management on Search and Rescue.
• Ki nonghikai ki la ioh jinghikai halor ka jingpyniaid kam haba jia ka lanot.
• La pynlong ia ki Mock Drill.
• Ki Block Master Trainer ki la ioh jinghikai.
• La pynkhreh bad pynthymmai na ka por sha ka por ia ki District Disaster Management Plan.
• La ai jinghikai ia ki dkhot ka NSS, NYKJ/NCC, Scouts & Guides.

Ha ki Block

• La pynkhreh ia ki Block Disaster Management Plan.
• La ai jinghikai ia ki Nodal Officers halor ka jingtreikam haba jia ka lanot.
• Block Disaster Management Team ki la ioh jinghikai halor ka First Aid.
• Ki Block Disaster Management Team ki la ioh jinghikai halor ka Search and Rescue.
• Ki Rangbah Shnong ki la ioh jinghikai halor ka lad pyniaid kam haba jia ka lanot.
• Ki Nonghikai ki la ioh jinghikai halor ka lad pyniaid kam haba jia ka lanot.
• La pynlong ia ki Mock Drill.
• La ai jinghikai ia ki nongtrei mon sngewbha kumno ban leh haba wan ka lanot bad ban pynkhreh ia ka plan iarap ia ki shnong.

Ha ki shnong

• La dep pynkhreh ia ki Village Disaster Management Plan.
• La pynkhlain ia ka jingsngewthuh jong ki dkhot ka Village Disaster Management Committee halor kane ka phang.
• La ai jinghikai ia ki dkhot ka Village Disaster Management Team halor ka First Aid.
• Ki dkhot ka Village Disaster Management Team ki la ioh jinghikai halor ka koit ka khiah bad ka khuid ka suba.
• Ki dkhot ka Village Disaster Management Team ki la ioh jinghikai halor ka Search and Rescue.
• La pynlong ia ki Mock Drill.

Ka jingkyrshan ia ki nongtrei kiba pyntreikam ia ka prokram iarap haba wan ka jinglyngshop

• La thung ia u Commissioner and Secretary/Secretary, Revenue and Disaster Management kum u State Project Officer ha kaba pyntreikam ia ki prokram kiba iadei bad ka jingshah lyngshop ha ka jylla ban iarap da u Officer on Special Duty bad Under Secretary, Revenue and Disaster Management Department bad ki nongtrei jong ka Revenue and Disaster Management Department
• U Assistant Project Officer ha ka jylla ban pynbiang da ka UNDP.
• La thung ia ki Additional District Magistrate kum ki District Project Officer bad ban iarap da ki da ki Assistant District Project Officer ba la thung da ka UNDP ha ki distrik.
• Hadien ba la kut ka Disaster Risk Management Programme, la mang kawei ka kam Assistant State Project Officer, 7 tylli ki kam Assistant Project Officer ha ki district bad la mang ia ka phon na ka mang tyngka jong ka SDMA.

Ki tiar donkam bad ki tiar iarap ha kaba wad ban pyllait im

• Baroh ki District Emergency Operation Centre kynthup ia ka State Emergency Operation Centre ki la ioh la ki generator.
• Ka Tnat Kam Pohiing ka Sorkar India ka la pynbiang kawei ka Video Conferencing Unit ia ka State Emergency Operation Centre.
• Ka Civil Defence and Home Guards ka la thied ki tiar ban wad bad pyllait im ia ki lanot shah lyngshop kiba shongdor shiklur tyngka na ka Calamity Relief Fund bad ban pyndonkam da ka Central Training Institute, Civil Defence and Home Guards, Mawdiangdiang, Shillong, Shillong Civil Defence and Home Guards, Tura Civil Defence and Home Guards bad Jowai Civil Defence and Home Guards. La pyndonkam ia kine ki tiar ha ka por ai jinghikai bad ha ka por ba jia ka jinglyngshop na ka bynta ban wad bad pyllait im.
• 2 tylli ki Rescue Tenders la thied bad la buh ha Shillong bad Tura.
• Ka Civil Defence and Home Guards ka la thied ia ki tiar iarap haba jia ka lanot bad ki tiar kiba pyndonkam haba jia ka jingshah lyngshop na ka bynta ka State bad ki District Emergency Operation Centre bad la buh ia ki ha ki 7 tylli ki District EOC bad State EOC.

Ka jingbuh ia ka tnat Disaster Management

• Hadien ba la pynlong ain ia ka  Disaster Management Act, 2005, la thung ia ka State Disaster Management Authority ba la khlieh da u Myntri Rangbah ha ka snem 2008 kumba la saindur ha ka  Disaster Management Act. 
• La thung ruh ia ka  State Executive Committee ha kaba u Chief Secretary u long u Shongknor ban iarap ia ka State Disaster Management Authority ha ka jylla.
• La buh ia ki District Disaster Management Authority ha ki District hapoh ka jingialam jong ki Deputy Commissioner kynthup ha ki 4 tylli ki  distrik thymmai.
• La buh ia ka Secretariat jong ka State Disaster Management Authority ha ka ophis jong u Director of Land Records and Surveys na ka bynta ban pyniaid ia ki kam jong ka  SDMA bad u Director Land Records and Surveys un long u Executive Director jong ka SDMA Secretariat.