State Disaster Response Fund 2015-2020
La buh ia ka State Disaster Response Fund (SDRF) katkum ka Section 48 (1) (a) jong ka DM Act 2005 bad kane ka dei ka phon kaba don bad ka sorkar jylla ban pyniaid ia ki kam kiba iadei bad ka jingshah lyngshop. Ka Sorkar India ka noh synniang 75% na ka mang pisa ha ka SDRF na ka bynta ki jylla/UT bad 90% ia ki jylla kiba kham kyrpang (Ki jylla ka thain Shatei lam Mihngi, Uttarakhand, Himachal Pradesh bad Jammu & Kashmir). Ia ka mang pisa shisnem la pyllait arsien shisnem katkum ka jingai jingmut jong ka Finance Commission. Ia ka phon SDRF lah ban pyndonkam ban pynlut ha kaba ai jingiarap kyrkieh ia ki lanot.
Ki jait jinglyngshop kiba ithuh hapoh ka SDRF: Ka eriong, ka jingrang tyrkhong, jumai, shlei um, tsunami, Jinghap phria, twa khyndew, twa lum thah, erlangthari bad u slap, bam khniang, jinghap thah, jingkhriat palat.
Ki jinglyngshop kiba ju jia ha ki thain
Ka sorkar jylla ka lah ban pyndonkam 10% na ka phon hapoh ka SDRF ban ai jingiarap ia ki lanot kiba ngat ha ki jinglyngshop ka bor mariang ia kiba la niew kum ka jinglyngshop kaba ju jia ha ka jylla hynrei ka bym shym la kynthup ha ka list jong ka jait jinglyngshop kumba la buh da ka Tnat Kam Pohiing ka Sorkar India kata ruh tang lada ka sorkar jylla ka la buh list ne ithuh ia kata jait jinglyngshop ka bor mariang bad ka la pynbna ia ki kyndon bad ki jingbtin lynti na ka bynta kane ka jait jinglyngshop da ka jingmynjur jong ka State Executive Committee (SEC).
| Snem | Ka mang tyngka SDRF | 5% na ka mang tyngka shisnem jong ka SDRF na ka bynta ki kam pynkhlain ia ki bor treikam |
|---|---|---|
| 2015-16 | 24.00 klur | 1.20 klur |
| 2016-17 | 25.00 klur | 1.25 klur |
| 2017-18 | 27.00 klur | 1.35 klur |
| 2018-19 | 28.00 klur | 1.40 klur |
| 2019-20 | 29.00 crore | 1.45 klur |
- Guidelines on Constitution and Administration of the State Disaster Response Fund and National Disaster Response Fund
(503 kb) - Items and Norms of assistance from the State Disaster Response Fund (SDRF) and the National Disaster Response Fund (NDRF) for the period 2015-2020 (99 kb)
- Revised list of items & norms of assistance from the State Disaster Response Fund (SDRF)/ National Disaster Response Fund (NDRF) (593 kb)