Ka jingbatai ia ka jinglong ka jaka bad ka jingjurip ia ki jingma na u jumai ha Sor Shillong, Meghalaya

Ka jingma na u jumai ha ki jaka sor kiba bunbriew lah ban shim jingkhein na ka jingkhih ki maw, ban bishar bniah ia ka bor khynniuh bad jingkhih jong ka khyndew bad ka jingktah ia mariang bad ia ki nongshong shnong. Lah ban shim jingkhein na ka jinglong ka khyndew ban tip la ka bor khynniuh ka don jingiadei bad ka bor jingkhluit jong ka sngi. Ka jingpruid dur ia ka jinglong ka khyndew ka lah ban pyni ia ka jinglah ban pynjulor ia kano kano ka jingtei ne ki jingtei. Ha kine ki khyndiat snem, ki nongbah kane ka thain Shatei lam Mihngi ki la kiew ha ka jingdon briew bad ka jingkiew ka khaii pateng. Kane ka thain Shatei lam Mihngi ka hap ha ka Seismic Zone V kumba la kdew ha ka map jong ka India. Nalor kata, ka daw ka long kaba bun bad ngi la mad ia artylli ki jumai kiba jur ha ka snem 1897 bad 1950. Da kaba pynshong nongrim na ka histori jong ka jingkhynniuh jumai, ka long kaba donkam ban pyniaid ia ki jingtreikam ban wanrah ki lad jingiada na u jumai ha ki jaka sor kiba bunbriew jong kane ka thain Shatei lam Mihngi.
Namarkata, ka Council of Scientific and Industrial Research (CSIR) North East Institute of Science & Technology (NEIST), Jorhat bad ka tnat Revenue & Disaster Management jong ka Sorkar Meghalaya ki la tyrwa ban pynlong ka jingjurip ia ka jinglong ka khyndew bad ka jingwad bniah ia ka jingma kaba lah ban mih na u jumai ha Shillong. Ka jingmang ia ka projek ka long 70.05 lak ia kaba ka CSIR-NEIST, Jorhat ka la nohsynniang 50.25 lak bad kaba sah 19.80 lak yn lut da ka Revenue & Disaster Management ka Sorkar Meghalaya. Ka por treikam jong kane ka projek ka long 2 snem. Ka tnat ban pyntreikam ia ka projek ka long ka CSIR-NEIST, Jorhat bad ka tnat ban iatreilang ka dei ka tnat Revenue & Disaster Management ka Sorkar Meghalaya.

 

Ki thong ba kongsan jong kane ka jingwad bniah ki long -

• Ka jingpynkhreh ia ka base map bad thematic map kum ka geology bad geomorphology, lithology, ka jinglong ka khyndew, ka seismicity and seism tectonics lane ka bor jingkhih jong ka khyndew bad ki jingtei, ki umpohkhyndew, ka jingpyndonkam ia ka jaka, ka jingdon ki khlaw, ki jaka shong briew bad jingbun briew ha ki shnong da kaba pyndonkam da ki tiar GIS bad ki Remote Sensing.
• Ka jingpynkhreh ia ka seism tectonic map kaban kdup 305-500 Km sawdong ka sor Shillong da kaba pyndonkam ia ki local/global seismic network data, ban tip ia ki tectonic lineament.
• Ka jingjurip ia ka jinglong ka jaka, ka SPT borehole lane ki jingpong thliew haduh 30m shapoh trai khyndew ban peit ia ki rukom long ka khyndew ban tip ia ka jingkhih ka khyndew khnang ban tip haduh katno ka khyndew ka lah ban ngam haba khynniuh jumai.
• Ka jingbishar ia ka jingjur u jumai bad ban shim jingkhein ia ka Fourier Spectra lane ka bor jingsawa u jumai.
• Ka jinglum jingkhein ia ka jingngam ka khyndew, ka jingma na ka jingkhih, ka jinglong ka khyndew, ka jingdon ka um ha khyndew, seismicity bad seism tectonic, geotechnical data haba khih ka khyndew na ka jingkhynniuh jumai bad ka geographical information system (GIS) ban pynshisha ia ka seismic site amplification map ia ka Shillong.

Ka Plan Treikam  

• La tyrwa ban jurip ia ka jaka kaba 250 sqkm kaba kdup ia ka sor Shillong bad ki shnong ba marjan (ka jinglong ki maw, ka jingstet ka jingkhih ka khyndew bad ka jinglong ka sla khyndew). Ka jingwandur ka jaka, ki bynta ba kongsan kiba don ha ka jaka bad ki jingtei kiba la jied da kaba pyndonkam da ki dur ba la ioh ring na u satellite.
• Ka jinglum ia ki geological/geomorphologic map jong ka sorbah kaba pyni ia ki jait khyndew, ki jait maw bad kiwei kiwei ki bynta kiba iadei bad ka jaka ha 1:225,000 map.
• Ki tduh thain nar kiba la jied ha ka topographic map yn shim da ka jingiarap jong ki GPS.
• 150 tylli ki station/jaka shim nongmuna (0.5 haduh 1 Km grid interval) yn shim kum ka jingjurip ia ka jinglong ki maw bad ka jinglong ka sla khyndew.
• Ka jinglum jingkhein ia ka jinglong ki maw ha kano kano ka jaka (continuous modes/100sps) yn pyndep hapoh 4-6 bnai da kaba buh kumba 4-5 sut ki weak motion seismographic lane ki tiar ki ban shim jingkhein ia ka jingkhynniuh ki jumai rit.
• Ka jinglum ia ki jingkhein (geotechnical) ban ioh jingtip shaphang ki jait maw ba la pyndonkam, ka jingheh ki nar, ka jingsbor bad ka jingjylliew ka um bad kiwei ki jingdonkam ha ka kam shna jingtei.