Ki lad Jingshakri jong ka National Disaster Management

Ki kor ki bor ki ju thut haba wan ka jinglyngshop. Ban pynduna ia kane ka jingeh, ka NDMA ka la sdang ia ka projek ban pynbiang ia ki kor ki bor sam jingtip sha ka SDMA bad ki DDMA. Ka dei ka bynta jong ka Information Communication Technology (ICT) ban iarap ia ka Tnat Kam Pohiing jong ka sorkar India, ka National Disaster Management Authority (NDMA), National Disaster Respond Force (NDRF) bad State Disaster Management Authority (SDMA) ban shim ia ki rai kiba donkam ha ka por ba wan ka jinglyngshop. La plan ia ka National Disaster Management Services (NDMS) da kaba pyndonkam da ki tnat pathai khubor na u satellite da kaba buh ia u VSAT uba rit uba lah ban kem haduh 120 tylli ki jaka ha ka ri kumba la ai harum-
MHA - 01 
NDMA - 01 
NDRF HQ - 01 
Baroh ki Jylla/ UTs HQ - 36 
Ki Distrik ba la jied - 81

• Ia kane ka network la kyrshan da ka Terrestrial Network bad HF Radio. Ia kane ka projek la pyniaid da ka Bharat Sanchar Nigam Limited (BSNL).
• Ka jingmang jong kane ka projek ka long T. 19.54 klur ban pyndonkam da ka BSNL – ka tnat kaba pyniaid ia ka kam (T. 18.34 klur lait noh ka khajna) bad ka NDMA.
• Ia kane ka projek yn pyntreikam 24 bnai naduh ba sdang ka projek bad ba thaw ia ka Steering Committee, kata, u Rymphang 2016.

Ha Meghalaya, kane ka prokram ka dang iaid shakhmat ha State Emergency Operating Centre (EOC), District Emergency Operating Centre (EOCs) jong ka East Garo Hills, West Garo Hills, bad West Jaintia Hills. Ka National Disaster Management Authority (NDMA) ka la thung uwei u nongpyniaid ia ki kor ki bor ha kawei kawei ka jaka bad kine ki nongtrei ki la trei ha ki EOC kiba don.

Ka jingthmu jong ka projek ka NDMS

Kane ka projek ba hakhmat eh ka long ban pynbiang ki lad sam jingtip kiba lah ban shaniah bad ka jingkyrshan ha ka liang ki kor ki bor na ka bynta ki Emergency Operation Centre (EOC) kiba treikam ha MHA, NDMA, NDRF HQ, ki jylla bad ki distrik kiba kham don jingma.

Ka jingthmu baiar jong ka projek

• Ka jingiakren telephone hapdeng ki EOC jong ki distrik kiba shah ktah ha ka lanot, ki State NDMA, NDRF HQ bad MHA ha ka por ba jia ka jingshah lyngshop bad ruh ha ka por bym don jingjia sha kiwei ki EOC.
• Internet, Email. Landline (Outgoing) bad Mobile (Outgoing), Web Services na ki jaka ba jia ka lanot bad sha kiwei ki jaka.
• Ki IVRS.
• Yn pynbiang ia ki EPABX lyngba ki Universal Gateway ki ban don ki lad iarap ban phah ia ki jingiakren telephone sha kino kino ki lad pathai khubor kynthup ia ka HF, Satellite, Terrestrial Network bad kiwei kiwei kynthup ia ki Intercom.
• HF Radio connectivity. Ka jingpyniasoh bad ka HF Radio
• Pdiang ia ki jingtip/jingshakri kumba la pynbiang da ki tnat kiba iathuh lypa ia ka jinglong ka mariang ne ki dak jingmaham (CWC, IMD, INCOIS bad GSI bad kiwei) na ki portal jong ki.
• Ka jingshakri lyngba ka GIS Map ba pynbiang ka NIC, Geo Spatial Services jong ka NRSC, NDMA bad kiwei ki tnat ha kaba ki EOC kin ioh jingtip.
• Ban pyni ia ki jingjulor na ki jaka ba jia ka jinglyngshop sha baroh kiba iadonbynta lyngba ki rukom ai jingtip (audio, video bad data) ba la ring na ki Handicam/Tablet bad kiwei ki kor ring dur.
• Ban ai ka rynsan ban iasam ia ki buit treikam bad ki jingtip bad ka MHA, NDMA, NDRF HQ, ki Jylla/UT/Ki distrik ba la jied bad kiwei ki seng iarap ha ka por ba jia ka lanot.

Ki mat ba kongsan jong ka NDMS

• Ka Control Room ha MHA bad NDMA kaba la pyniasnoh lypa bad ka NICNET ha 34 Mbps lyngba u lain ba la shim na ka NIC Data Centre.
• Hapoh kane ka projek, ki Jylla/District Headquarter ki la dep pyniasnoh bad ka SWAN bad yn pyniasnoh lyngba u VSAT, Satellite Phone bad HF Radio.
• Ki VSAT ha baroh 120 tylli ki jaka kin don ia ki kor ki bor da kaba pyndonkam da ka BSNL VSAT Network/HUB.
• Yn pyniasnoh lang ia ka VSAT bad Satellite Phone ban iarap ia ki nongshim lain ba kin iaphah khubor lada jia bym treikam ka Terrestrial Communication.
• . Ka jingiakren lyngba ka Land Line bad GSM Network bad ka Internet kan iaid lyngba kane ka network bad lah ban leh Video Conferencing ruh lada donkam.
• Kane ka network kan treikam wat ha ka por bym don jingjia.
• Ha kiwei ki jaka yn pynbiang ki EPABX bad IVR bad yn buh ki lad ba lah ban pynkhlain ia ka bor treikam jong ki.

Ka jingdonkam ka jaka

• Ka sorkar jylla/bor pyniaid distrik kin pynbiang ka jaka kaba biang ban buh ia u VSAT bad kiwei ki tiar kiba donkam na ka bynta jong u.
• Ki sorkar jylla kin pynbiang ruh ia kine ki jingdonkam harum:
• Ki kynja jingpynshong ban buh ia ki kor ki bor.
• Ka jingring bording kaba paka na ka bynta kine ki tiar.
• Ka kor pynbiang lyer lada donkam.

National Disaster Management Services Guidelines (3.6 mb)